Korleis koma seg til Myrkdalen

Med tog

Voss Jernbanestasjon er ein av stasjonane langs Bergensbana som går mellom Oslo og Bergen. Frå Bergen tek det 1,5 time og frå Oslo 5 timar. Du finn togtider på www.vy.no

Gratis skibuss

Gjer det enkelt og tenk miljø. I vintersesongen kan du ta gratis skibuss frå Voss stasjon til Myrkdalen. Bussane korresponderer med tog frå og til Bergen og Oslo. For å vere sikra plass på skibussen må du reservere på førehand. Det går òg vanleg rutebuss mellom Voss og Myrkdalen.

Nyheit for sesongen 2025/2026 er at det i tillegg går skibuss frå Stalheimskrysset kvar laurdag.

Les meir om busstilbodet til Myrkdalen her.

Med bil

Myrkdalen ligg to små timar unna Bergen, frå Oslo tek det ca 6 timar. Frå Voss sentrum køyrer du på E16/ RV 13 mot Sogn. På Vinje tek du mot Vik/Myrkdalen i rundkøyringa. Myrkdalen Fjellandsby ligg då på venstre side av RV 13 etter 9 km.

Leigebil under opphaldet

Kjem du med offentleg transport til Voss og ynskjer leigebil under opphaldet? Hertz har bilutleige i Storrviki i Skulestadmo. For meir informasjon ta kontakt på tlf: 56 51 39 10.

Med fly

Flesland/Bergen International Airport med direktefly frå København, Amsterdam og London, ligg berre 2 timar unna Myrkdalen.

Vil du bli henta på Flesland?

Me tilbyr transport frå og til Flesland. Bestill henting minst ei veke før ankomst direkte til: +47 47 47 16 00

Taxi på Voss

Ring og bestill vanleg taxi eller maxi-taxi på 56 51 13 40