Turtips: el-sykkeltur i Myrkdalen og Vikafjellet
Fleire og fleire har fått augo opp for gleda med ein el-sykkel – særleg i motbakkar! Det som før var eit slit opp bakkane har blitt leikande lett.
Fem flotte stølsturar
Gamle stølar i vakker vestlandsnatur er fine turmål for heile familien. I og rundt Myrkdalen ligg mange flotte stølar, og me har plukka ut fem enkle og varierte turar i området. Fire av turane har utgangspunkt frå Myrkdalen Hotel og turen til Vetle Grungen er berre ein kort køyretur unna.
Mørkvesstølen
Mørkvesstølen ligg flott til ved ei lita elv vest for skisenteret. Du kan gå til stølen frå Myrkdalen Hotel eller du kan ta stolheisen og starta turen frå toppstasjonen. Startar du frå toppen av stolheisen, fylgjer du grusvegen mot Storhaugekspressen.
Ca. 50 meter før du når toppstasjonen tek du til høgre og går ved sida av eit lite tjørn før du dreier ned dalen til venstre. Vidare krysser du begge elveleiene og fylg sauetrakket/stien på høgre side av elva ned til Mørkvestølen.
Svoleset
Svoleset ligg sør-aust for Myrkdalen Hotel, på andre sida av RV13. Fylg grusvegen 600 meter til Helgatun. Kryss skibrua over Rv. 13, vidare over brua ved Myrkdalselva og fylg merka sti til Bygdastølen. Her kryssar du brua over elva Kvanndøla og fylgjer blåmerka sti 4 km til stølen. Turen har ca. 450 høgdemeter totalt.
Vetlebotn
Stølane i Vetlebotn finn du midt i skisenteret, ved botn-stasjonane til trekka Kari-Traa og Kråni. Her ligg også den nye fjellstova vår, som byr på iskrem, kaffi og heimelaga lappar i heile sommar.
Frå Myrkdalen Hotel fylgjer du grusveg 600 meter til Helgatun og vidare oppover på ein sti i 1,1 kilometer. Ved stiskiljet tek du til høgre og går 300 meter opp til stølane i Vetlebotn. Tek du stolheisen til topps, fylgjer du vegen ein kilometer ned til stølane.
Revhaugen
Stølane i Revhaugen ligg aust for Myrkdalen Hotel, på andre sida av RV13. Fylg grusveg 600 meter til Helgatun. Kryss skibrua over RV 13, vidare over brua ved Myrkdalselva og fylg ny merka sti til Bygdastølen. Ved Bygdastølen fylgjer du traktorvegen i 1,5 kilometer til stølane.
Vetle Grungen
Turen til Vetle Grungen startar ved Holo, ca. 10 minutt køyring frå Myrkdalen Fjellandsby retning Vik. Rett før hårnålsvingane parkerer du bilen og fylg stien som går nordover. Turen går fyrst bratt oppover (ca. 200 høgdemeter) til Vetla Grungavatnet. Herfrå er slakar det ut den siste kilometeren til stølane.
Vis omsyn
- Vis omsyn til utmarksnæringane
- Lukk att grinder etter deg
- Vis omsyn for andre brukarar av utmarka
- Ikkje forstyrr dyr og fuglar
- Alt vilt er freda med unntak av lovleg jakt
- Det er bandtvang frå 1. april og så lenge husdyra beitar
- Motorferdsel er forbode utan særskilt løyve
- Fri ferdsel skal ikkje vera til skade eller ulempe for andre, eller for plante- og dyreliv
- Vis omsyn til naturen
- Det er forbode å kasta søppel i naturen
- Alle må retta seg etter krava frå oppsynsmannen i området
Relaterte artiklar
Sjå alle artiklar
Myrkdalen - den perfekte basen for en aktiv ferie!
Er du usikker på kvar du skal leggja sommar- eller haustferien? Skal du reisa med barn eller barnebarn i ulike aldrar, eller kanskje med ein partnar som helst vil vera i aktivitet frå morgon til kveld? Då er Myrkdalen staden for dykk! Her får du oversikt over alt du kan oppleva i og rundt Myrkdalen - anten du ynskjer ro og fjelluft eller spennande utfordringar.
Julegåvetips: Oppfyll draumar, skap minner
Julebrusen har for lengst innteke butikkhyllene, julebelysninga lyser opp gatene, og lista over gjeremål blir stadig lenger – trass i alle avkryssa punkt. Du ynskjer å gje dei du er glad i ei gåve som verkeleg treffar, men blir den genseren du synest er så fin, brukt meir enn éin gong? Med eit gåvekort frå Norways Best gir du fridommen til å velja ei oppleving som garantert blir sett pris på.