Guida fjellskitur i Myrkdalen
Bli med på tur i den vakre fjellheimen kring Myrkdalen.
Guida fjellskitur i Myrkdalen
På desse turane tek dei erfarne guidane våre deg med ut i det stille, snødekte landskapet like utanfor Myrkdalen. Me brukar fjellski – breiare og meir stabile enn vanlege langrennsski, laga for å gå i upreparert terreng. Dermed er me ikkje bundne til oppkøyrde spor, men kan både følgje gamle skiløyper og lage våre eigne spor i urørt snø.
Undervegs deler guiden kunnskap om landskapet, og me tek pausar for å nyte utsikta mot snødekte skogar og fjell. Me stoppar òg for ein kopp varm, tradisjonell gløgg og ein liten matbit ute i det fri. Enten du er nysgjerrig nybyrjar eller ein naturglad skiløpar, er desse turane ein fin måte å få ei god skioppleving på.
Dette kan du forvente:
- Lita gruppe (maks 6 deltakarar) for ei personleg oppleving
- 2 timar saman med erfaren skiinstruktør
- Variert terreng gjennom skog og fjell
- Pause med gløgg
- Ein roleg tur der du kan kople av og nyte naturen
Praktisk info:
- Oppmøte: Skiskulen utanfor Myrkdalsstovo Velkomstsenter
- Tidspunkt: Kl. 13.30 (kvar onsdag heile vintersesongen)
- Varigheitt: 120 minutt
- Inkludert: 5 minutt transport til startpunkt, guiding, skiinstruksjon og gløgg
- Ikkje inkludert: Utstyr – fjellski (BC-ski) er påkravd. Kan leigast hjå Myrkdalen Skiutleige.
Kle deg etter forholda!
Ynskjer du skiundervisning? Sjå kva me tilbyr under Myrkdalen Skiskule.
Godt å vite
Sesong
Vanskelegheitsgrad
Aldersgrense
Kontakt
Er du på jakt etter rå skikøyring og bratte fjellsider?
Prøv ein av våre toppturar med guide.
Les meirKva er forskjellen mellom guida fjellskitur og guida topptur?
På topptur brukar me randoneeski (toppturski). Turen startar med at me går oppover, med feller under skia for å hindre at me sklir bakover. Når me når toppen, tek me av fellene og køyrer ned att.
Tur på fjellski er annleis. Her er ikkje målet å bestige toppar. I staden brukar me lettare fjellski utan feller, og me siktar oss ikkje inn på nokon bratt nedkøyring på slutten. Medan ein topptur kan vere spanande – og for somme kanskje litt utfordrande – er ei guida tur på fjellski ein rolegare og meir avslappa måte å oppleve vinterlandskapet på.