Strikkehelg

Når novemberkulda snik seg innpå, finst det knapt noko betre enn å trekkja inn i fjella sin lune favn – med garn, pinnar og gode samtalar. Bli med på vår 9. strikkehelg på Myrkdalen Hotel – ei helg fylt med inspirasjon, latter, læring og koseleg samvær.

Årets tema: Berekraft

I år set me fokus på gjenbruk, redesign og det å nytta opp restegarn.
Kari Traa kjem for å dela sine tankar om korleis små grep og kreative løysingar kan gjera ein stor forskjell – også i strikkeverda.

Dette får du med festivalpasset

• Inngang til heile arrangementet fredag–søndag
  (inkludert kurs, foredrag, utstillarmarknad, mannekengoppvising med meir)
• Middag fredag og laurdag
• Kaffi og lappar laurdag
• Konsert med Frida Amundsen laurdag kveld

Høgdepunkt

• Mannekengoppvising med loddtrekking
  Eit fast innslag på strikkehelga. Bli med på visinga leia av den sprudlande konferansieren Astrid Norekvål Tillung. Kanskje vinn du ein premie?
• Konsert med Frida Amundsen
  Laurdag kveld rundar vi av med vakre tonar og god stemning frå Frida Amundsen – ei stemningsfull avslutning på ein kreativ dag.
• Bruktmarknad
  Blir du heile helga? Ta med eit handstrikka plagg du ikkje brukar lenger – og sel det på vårt bruktstativ. Plagga må vera heile, reine og sjølvsagt handstrikka.

Ta med deg eit prosjekt du jobbar med – eller la deg inspirera til å starta på noko nytt. Dette er ei helg for å dela erfaringar, læra av kvarandre, knyta nye strikkevenskap – og kanskje avsløra eit og anna hemmeleg strikketriks.

Vil du overnatta på Myrkdalen Hotel?

No er festivalpass med overnatting tilgjengeleg – nyt ein god hotellseng med frukost inkludert. Og aller best: Dei fyrste 20 som bestiller festivalpass med overnatting får goodiebag ved framkomst!

Fristar det med massasje?

Helene Helle frå Sendo tilbyr behandlingar for slitne strikkemusklar heile helga. Du kan bestilla time i resepsjonen.