Strikkehelg

Hald av datoane! Akkurat når novemberkulda smyg seg på, er det perfekt å trekkja innandørs i lune lag i fjellheimen. I år som i fjor har me skreddar(strikka)sydd eit program for deg som elskar strikking!

Dette er niande gong vi arrangerer dette populære arrangementet, og helga vil som vanleg by på spennande kurs, inspirerande foredrag, utstillingar – og ikkje minst: den populære mannekengoppvisinga med trekking av premiar, leia av konferansier Astrid Norekvål Tillung.

Årets tema: Berekraft

Me set fokus på gjenbruk, redesign og det å bruka opp restegarn! For å inspirera oss til å bli meir berekraftige strikkarar, kjem sjølvaste Kari Traa og gir oss eit spark bak. Ho deler korleis ho likar å skapa noko nytt av noko gammalt.

Har du planar om å vere heile helga? Ta gjerne med eit strikkeplagg du ikkje brukar lenger, og sel det på vårt bruktstativ! Plagga må vere handstrikka, reine og heile.

Konsert: Frida Amundsen

Laurdag kjem songar Frida Amundsen og underheld oss med vakre tonar. Meir program kjem snart – men éin ting er heilt sikkert: det blir strikking, skravling og skrøner. Me gler oss til å dele erfaringar – og kanskje nokre hemmelege strikketriks!

Ta med deg eit prosjekt du held på med, eller start på noko heilt nytt med inspirasjon frå dei andre deltakarane.

I prisen er både mat og underhaldning inkludert. For ein rimeleg pris kan du òg leggja til overnatting i ei god hotellseng, med frukost inkludert.

Billettar inkludert overnatting på Myrkdalen Hotel kjem snart!