Næringskonferansen i Flåm

15. oktober 2026 - 16. oktober 2026

Fretheim Hotel, Flåm

Me inviterer til to dagar fylt med inspirasjon, fagleg påfyll og spennande diskusjonar om framtidas moglegheiter.

Vyer handlar om meir enn det vi ser

Når vi samlast på Fretheim Hotel i Flåm i oktober, skal vi snakke om Vyer - om å sjå framover, om ambisjonar, om håp og det å ha framtidstru. Vi har invitert føredragshaldarar, som gjennom relevante og dagsaktuelle tema skal bygge opp under dette. Kvar for seg og samla vil dei gi oss innsikt og inspirasjon til å handtere vår eigen arbeidskvardag. Og danne grunnlaget for gode samtalar både under og etter konferansen.

Vyer 2026 skal gi inspirasjon, nye perspektiv og rom for gode samtalar. Kanskje også mot til å tenkje litt større, sjå litt lenger og tru litt sterkare på det som kan bli.

Velkomen til to dagar med innsikt, refleksjon og nye vyer.

Påmelding & overnatting

Meld deg på konferansen her.

Treng du overnatting? Med koden “NÆRINGSKONFERANSE 2026” får du som deltakar 20% rabatt på rom & frokost på Fretheim Hotel. Merk at koden må leggjast inn før du vel rom.

Book hotellrom her

Program

10.00 Registrering

11.00 Minglelunsj i Fretheimsalen

12.00 Opning

12.30 Risky business - Leierskap i usikre tider | Hege Toft Karlsen

Uro og usikkerheit er den nye normalen. Hege Toft Karlsen, konsernsjef i Fremtind, gir sine perspektiv på korleis vi skal navigere risiko, sette retning og handle når rammevilkåra er i konstant endring.

13.10 Pause

13.30 SognaPitch

3 gründerar presenterer ideane sine. Vinnaren blir kåra under konferansemiddagen.

14.00 Det norske arbeidslivet sine paradoks | Fredrik Fornes

Gjennom ekte historier viser Fredrik Fornes, Norges største arbeidslivinfluensar, at arbeidslivet er langt frå så inkluderande som vi skulle tru.

15.00 Pause

15.20 Arctic Norway og eit felles målbilde for utvikling i nord | Trond Øverås

Trond Øverås, dagleg leiar i Nordnorsk reiseliv, deler sine tankar om reiselivsutvikling i Nord-Norge og korleis dei skal sikre eit relevant og ansvarleg reiseliv for framtida.

15.50 Heimkjøpet av Flåmsbana & 30 år med reiselivsutvikling

Lansering av boka om heimkjøpet av Flåmsbana og historia om prosessane som la grunnlaget for reiselivseventyret i Aurland.

16.30 Slutt på fagleg program

17.30 Apéritif om bord i Legacy of The Fjords

Vi tek deg med ein tur på fjorden og serverer apéritif om bord i nullutsleppsfartøyet Legacy of The Fjords.

19.30 Konferansemiddag

Vi kårar årets leiar og årets bedrift, samt vinnaren av SognaPitch.

09.00 Frå London til Kroken | Benjamin Ward

Benjamin Ward flytta frå London til fjellgarden Kroken i Luster, med draumen om eit enklare liv og om å skape noko sjølv. Han fortel oss korleis det har gått, men også om drivkrefter og møte med motgang.

09:45 Eit lag – ein draum

"Eit lag - ein draum" speglar både ambisjonane til Sogndal FK damer og den større visjonen for kvinnefotballen i Sogn og Fjordane. Det handlar ikkje berre om eitt lag som vil opp og fram, men om å samle heile regionen bak ei felles satsing på jentefotball.

10.10 pause

10.30 KI er ikkje teknologi - det er ein ny måte å jobbe på | Silvija Seres

For å kunne navigere i ein meir og meir kompleks verden, der avgjersler i aukande grad blir drive av teknologi og KI, må vi tenke og jobbe på nye måtar. Det er kjernen i bodskapen til Silvija Seres, ein av dei mest visjonære stemmene i KI-verden.

11.30 pause

11.50 Å lukkast her vi er | Tone Myklebust Kvåle

Tone Myklebust, leiar for Norconsult Sogn og Fjordane, om korleis røter og tru på framtida har skapt eit attraktivt og leiande kompetansemiljø.

12.15 Det er meg det kjem an på | Gyrid Beck Solberg

Du kan ikkje kontrollere kva som skjer – men det er alltid du som bestemmer korleis du møter det. Gyrid Beck Solberg utfordrar oss til å bli meir bevisst på korleis vi reagerer på det som skjer.

13.00 Avslutning

Bent-Cato Danielsen, driftsdirektør i Norway’s best, set ord på det vi har vore gjennom, før vi takkar for denne gongen og går inn i helga.

Lokasjon

Fretheim Hotel, Flåm

Foredrag som utfordrar og inspirerer

Kva håp og ambisjonar har ein ungdom i 2026? Korleis skal vi utføre leiarskap som gir retning i usikre tider? Utviklinga innan KI gir oss uendelege moglegheiter, men det betyr også at vi må endre måten vi tenker og jobbar på.

Vi skal møte unge gründerar med nye idear og ein som har gjort drastiske val for å realisere den framtida han ønsker seg. Så skal vi gå 30 år tilbake i tid for å hente inspirasjon frå nokon som torde å tenkte store tankar, og klarte å realiserte dei. Ei suksesshistorie som no er dokumentert i ei heilt ny bok.

Også i år har vi invitert personar som skal gi oss inspirasjon og perspektiv til ettertanke. Om arbeidslivet sine mange paradoks. Og ikkje minst bodskapen om at uansett kva livet og framtida byr på – «Det er meg sjølv det kjem an på.»

Foredradshaldarar 2026

Fredrik Fornes

Silvija Seres

Gyrid Beck Solberg

Ben Ward

Hege Toft Karlsen

Trond Øverås

Tone Myklebust Kvåle

Om Næringskonferansen

Næringskonferansen i Flåm er ein årleg møteplass for næringslivet, der innovasjon, utvikling og omstilling står i fokus. Konferansen samlar deltakarar frå ulike bransjar for fagleg påfyll, inspirasjon og nettverksbygging i vakre omgjevnader.

Me gler oss til å dele erfaringar, utforske løysingar og saman skape ei berekraftig framtid for bygdene våre.