Pudder til frukost fjord til kvelds

Eit komplett alpinsenter mellom fjell og fjord

Myrkdalen er eit av dei mest snøsikre skianlegga i Noreg, midt i eit mektig landskap av fjell og fjord. Løypene er alltid nypreparerte og urørt snø er berre nokre stavtak unna. Her er lett å koma til – 2 timar frå Bergen og 5,5 timar frå Oslo.

Den vesle dalen utanfor Voss er kjent for å vera ein komplett og snøsikker destinasjon som mange har på bucket-lista si, og fleire og fleire ski-entusiastar frå inn- og utland har funne vegen hit dei siste åra.

– Det er dei velpreparerte løypene og urørt pudder som har stått høgt i kurs,

meiner Klaus Finne frå Voss. Han er tidlegare landslagsutøvar i freestyle og jobbar no som innhaldsprodusent i Myrkdalen.

– I tillegg har du alt du treng i nærleiken, frå restaurantar, kaféar og barar til sportsbutikkar, skiutleige og treningssenter. Her er også eit mangfald av ulike aktivitetar, både med og utan ski på beina, fortel han vidare.

Mat og drikke er også trekkplaster

Når du treng energipåfyll mellom skikøyringa, er det fleire serveringsstader i området. Koselege Fjellstova Vetlebotn midt i bakken byr på fantastisk utsikt og herlege varme rettar basert på gode kvalitetsråvarer.

I Myrkdalsstovo Velkomstsenter får du den unike signaturretten Skikøyrar-sandwich som har blitt særs populær blant skigjestar på farta, og ynskjer du ein unik og smakfull 3-rettar middag er det Restaurant Nuten som gjeld.

Finn alle serveringstadane her.

Afterski neste

Når skidagen er omme er "afterski lounge" på Kamben Kafé og Bar eit heitt tips. Her kan du velja mellom eit stort utval øl frå lokale bryggeri, og på skjermane kan du få med deg fotballkampar og andre sportssendingar.

I helgene er det Pudder Afterski som gjeld, der DJ-en sjølvsagt sørger for å få feststemte skigjestar ut på dansegolvet!

Rå skikøyring og dei beste linjene

Gjennom skisesongen er Myrkdalen blant norske skistader som tronar høgast på snømålingane.

- Ein kvar topptur-entusiast kan få oppfylt sin våte draum om spennande frikøyringsmoglegheiter, seier Klaus og smiler entusiastisk.

Han veit kva han snakkar om. Han er nemleg ein av dei som jaktar ivrig etter dei beste linjene, og kan ikkje få nok av rå skikøyring.

TIPS til topptur:

• Bjørndalskamben (1402 moh)
• Finnbunuten (1358 moh)

Begge tek utgangspunkt frå skisenteret og er flotte dagsturar som byr på fin utsikt.

For deg som ikkje er så godt kjent i området er det mogleg å få skreddarsydd draumetoppturen med guide.

Bestill kortferie til Myrkdalen og Flåm

Ta Flåmsbana til fjells

Er du ein skikkeleg skientusiast er det éin ting du ikkje bør gå glipp av når du fyrst reiser på skiferie i Vest-Noreg: å ta den ikoniske Flåmsbana til Vatnahalsen. Hopp så av toget på Vatnahalsen og førebu deg på årets råaste skikøyring med fine nedfartar i alle himmelretningar!

Det er også fine forhold for fjellski, dersom du føretrekk det. Gå langs Rallarvegen, ta ein runde rundt Reinungavatnet eller få utsikt frå Reinunga eller Skjebergsnuten.

– Me formidlar gjerne kontakt til sertifiserte fjellførarar om nokon ynskjer det, seier Klaus Finne.

Kontrastfylte opplevingar

Omkransa av fjell og fjord gjev Myrkdalen eit særpreg som byr på kontrastfylte opplevingar.

Klaus fortel at det ikkje berre handlar om fartsfylt skikøyring, pudder og strøkne løyper.

– Me byr også på fleire aktivitetar utan ski på beina, og berre 35 minutt unna kan du få spektakulære og eksotiske fjordopplevingar som Vest-Noreg er kjent for.

Klaus Finne avsluttar med eit smil:

– Flytande badstova med den fjordutsikta må vera den perfekte avkoplinga etter aktive dagar på ski. Pudder til frukost og fjord til kvelds!

Bestill kortferie til Myrkdalen og Flåm

Klaus sine tips til 5 dagar ski- og fjordferie

Klaus deler tipsa sine til ein perfekt 5-dagar tur som lar deg kombinera ski-eventyr og unike fjordopplevingar.

DAG 1

• Framkomst Myrkdalen med overnatting på Myrkdalen Hotel
• Middagstips: Nuten Fondue

DAG 2

• Stå på ski heile dagen i strøkne, oversiktlege og breie løyper med urørt pudder rett utanfor
• Lunchtips: Myrkdalsstovo 2.etg – Burgeren her er fantastisk
• Middagstips: Restaurant Tunet – Kjent for den beste omnsbakte pizzaen i området

DAG 3

• Topptur til Finnbunuten (1358 masl)
• Lunchtips: Fjellstova Vetlebotn midt i bakken – Serverer tradisjonsmat basert på lokale råvarer
• Avreise til Flåm
• Fjord Sauna
• Overnatting og middag på Fretheim Hotel

DAG 4

• Flåmsbana og frikøyring i fjella rundt Vatnahalsen ELLER Flåmsbana og Fjordcruise på Nærøyfjorden
• Middag på Fretheim Hotel
• Ølsmaking på Ægir Bryggeripub

DAG 5

• Avreise frå Flåm
• Besøk Stegastein utsiktspunkt på returen